Skvass

Skvassfélag Reykjavíkur
3. - 4. Febrúar

Skvass var keppnisgrein á RIG í fyrsta skipti árið 2012. Mótið er haldið í Skvassfélagi Reykjavíkur áður Veggsport, Stórhöfða 17, sem er stærsti skvassklúbbur Íslands en þar eru fjórir salir. Spilað verður í karlaflokki, kvennaflokki og unglingaflokki (U19) og hefst mótið á föstudegi en undanúrslit og úrslit eru á laugardegi. Mikill áhugi er meðal skvassara að taka þátt í þessum stóra viðburði sem Reykjavíkurleikarnir eru.

Skvassfélag Reykjavíkur var stofnað 1988 og Skvassnefnd ÍSÍ árið 1993 og er íþróttin því ung á Íslandi. Skvassíþróttin er þróuð úr a.m.k. fimm öðrum íþróttagreinum sem innihalda spaða, kylfur og bolta og sérstaða hennar er sú andstæðingarnir mætast á sama vallarhelmingi sem er umkringdur veggjum. Spilararnir spila oftast mjög þétt og eru því mjög strangar reglur um hvernig spila eigi skvass, aðallega til að koma í veg fyrir meiðsli.

Sagan segir að skvass hafi orðið til í skuldafangelsum í Englandi á 15. öld en skvassíþróttin hefur verið spiluð eins og hún er í dag frá 1850. Talið er að í dag séu um 15 milljónir iðkenda.

Fyrir nánari upplýsingar kíkið á heimasíðu félagsins skvass.is eða hafið samband við tengilið.

Tengiliður er Hilmar Hafsteinn Gunnarsson
Sími : 898 9081
This email address is being protected from spambots. You need JavaScript enabled to view it.

SPRT6679

PHOTOS

ólympískar        Myndataka       Dans